وہ جو میری تعظیم کرتے ہیں۔

وُہ  جو میری   تعظیم  کرتے ہیں ۔   میں ان   کو  بزرگی  دُوں گا۔  پروہ   جو میری   تحقیر  کرتے ہیں ۔  بے  قدر  ہوں گے۔   ۱ سموئیل ۲: ۳۰۔

جس وقت  سے  تاریخ    شروع  ہوئی  ۔  ہم خُد ا تعالیٰ   کے اس  کلام   کی صداقت(سچائی)    کا  اظہار   قوموں   اور  سلطنتوں   کے عروج    و  زوال    میں ایسا  صا ف    دیکھتے   ہیں۔ کہ    اس  کی  تفسیر    و تاویل(تشريح و بيان)   کی مطلق(بالکل)   ضرور ت    معلوم  نہیں ہوتی   ۔ ہم اس   وقت    زمانہ    قدیم   کی دیگر    سلطنتوں    اور  قوموں   کے   بواعث  ِ  اقبال   و زوال)  بلندی و زوال)کے بیان    سے قطع  نظر   کر  کے     قوم  اسرائیل   کی جو ایک    برگزیدہ(خُدا کی چُنی ہوئی)    اور  خاص    قوم تھی۔   ذکر   اور   یہ ظاہر    کرنا  چاہتے   ہیں ۔کہ  صرف   زبانی    الہٰی   تعظیم    و تکریم(عزت و ادب) کرنا  ۔ اور ایک   نمائشی خُدا   پر   ستی    و دیندار  ی   رکھنا   نہ صرف   خُدا  کی   نظر    میں مکر  وہ و   ناپسند    یدہ(نفرت انگيز و نا پسند)  ہے۔ بلکہ   کسی  نہ  کسی    وقت    ایسی    ریاکاری   کا تلخ   (سخت)نتیجہ    ظاہر    ہو کر قوم    کی بربادی    و تباہی    کا دن   یکایک  (اچانک)آموجود   ہوتا ہے۔ 

بنی  اسرائیل   کے مشہور    و  معروف   قاضی   عیلی   کے  دنوں   میں یہی    حال قوم   اسرائیل  کا ہوجانے   سے خُداوند نے اُن  کو  نامختون  فلستیوں  سے سخت    ہزیُمت(شکست)   دلوا  کر   ان کی ساری  حشمت   و شوکت    کو  برباد   کر دیا۔  اور  اسرائیلی   لشکر    میں خُدا   کے عہد   کے صندوق   کی موجودگی   بھی انہیں  شکست    فاش    (ظاہر شکست) اور شرمناک    ہر  یُمت  سے نہ  بچا سکی ۔  عیلی     کے دونوں   بیٹے    حفنی   اور فینحاس   قتل   ہو گئے۔    اور عہد   کا صندوق   فلستیوں    نے لوٹ    لے جا کر   اپنے معبودو جون  کے مندر    میں رکھ  دیا ۔  اور  اس فتح     عظیم  کی  خوشی    میں بڑا    جشن    کیا۔

یہ  امر  نہایت    غور  طلب   ہے۔ کہ اوّل  مرتبہ  جب    اسرائیلیوں   نے فلستیوں   سے شکست   کھائی۔    تو خیال   کیا کہ اگر ہم   خُدا  کے   عہد کے صندوق   کو سیلا   سے لے آئیں۔   اور وہ ہمارے    درمیان   ہو تو ہم    ضرور   فتح   یاب  ہو ں گے۔   اور  فلستیوں   نے بھی  جب  معلوم   کیا  کہ  خُداوند    کا صندوق   اسرائیلی    لشکر گاہ   میں آ پہنچا   ہے۔ تو ڈر   گئے   اور کہا  ’’   خُدا  لشکر   گاہ   میں  آیا ‘‘  ۔ ایسے     خدائے    قادر   کے   ہاتھ سے   ہمیں کون   بچائے گا؟ لیکن   بوقت   جنگ    نتیجہ  اس  کے بالکل   برخلاف   ظاہر  ہوا ۔  کیونکہ   حقیقت   میں  خُدا   لشکر   گاہ   میں نہیں   آیاتھا۔    بلکہ    خالی  صندوق   تھا ۔  جو صاف   تعلیم   دے رہا تھا۔   کہ ’’  حرف  مار  ڈالتا  ۔ پر روح  جلاتی(زندہ کرنا)  ہے  ‘‘ سچ   ہے کہ  ’’ خُدا   کی بادشاہت   بات  سے نہیں  ۔ بلکہ   قدرت    سے ہے ‘‘۔   پس  مسیحی   مذہب    اور دُنیا    کے دیگر   مذاہب    میں یہ  ایک   نمایاں  فرق   ہے  جس   کا بیان   ہم آئندہ   پرچہ   میں کریں گے۔