خداوند کی روح مجھ پر ہے

خُداوند   کا روح  مجھ   پر  ہے ۔ اس لئے  کہ اُس نے مجھے   غریبوں   کو خوشخبری    دينے کے لئے مَسح کيا ۔اُس نے  مجھے بھیجا  ہے۔  کہ  قیدیوں   کو رہائی  اور   اندھوں  کو  بينائی پانے    کی خبر سناؤں ۔  کچلے ہوؤں کو آزاد کروں   ۔  لوقا   ۴: ۱۸ ۔

مسیحیت    کی منجملہ   دیگر  خوبیوں  کے ایک  بڑی  خوبی  یہ ہے۔  کہ  وہ  شروع   ہی سے گرے   ہوؤں   کو اُٹھانے     ، پستوں     کو بلند    کرنے ۔ اور   ادناؤں   کو اعلیٰ   بنانے  کی طرف   زیادہ    تر مائل    و متوجہ   ہوئی ہے۔   اس کے الہٰی    بانی    کا یہ قول   جو آب   زر  (سونے کا پانی)سے لکھنے   کے قائل   ہے۔  کہ ’’  بھلے  چنگوں  کو  حکیم   درکار   نہیں   بلکہ   بیماروں  کو‘‘ ابتداء   ہی  سے مسیحی   کلیسیامیں   واجب  التعمیل   رہا۔ 

اور  بہ نسبت   دیگر مذاہب   مروجہ   دُنیا   کے مسیحیت    کو اس امر میں  فخرو  فوقیت   (برتری)حاصل  ہے۔ خود  مسیح  خُداوند   نے اپنی مسیحائی    خدمت    کے شروع   میں آسمانی   بادشاہت   کو دُنیا   میں پھیلانے     اور    اس کار ِعظیم   کو انجام   دینے کے لئے  غریب   وبے علم گلیلیوں    کو منتخب   کیا۔ جن کو   ان کے  ہمعصروں  نے بڑی  حیرت     و حیرانی    کے ساتھ  ۔  جہاں  کو اُلٹ   پُلٹ    کر دینے  والے کا   خطاب دیا ۔ ابتدائی  کلیسیاء   میں بکثر ت  وہی لوگ  شامل تھے۔  جو دنیا    والوں  کے نزدیک  ذی  رتبہ    و دولت   نہ تھے۔

  چنانچہ   پولوس   رسول  کرنتھیوں    کے پہلے خط    کے دوسرے  باب میں لکھتا  ہے۔ کہ    اے  بھائیو تم  اپنی بلاہٹ    پر نگاہ   کرو  ۔ کہ اس میں دنیا   کے بہت سے حکیم اور بہت مقدور والے شامل  نہیں۔  مگر  خُدا نے  دنیا کے  بیوقوفوں  کو چن لیا ۔ تا کہ  حکیموں   کو شرمندہ   کرے۔  اور دنیا  کے کم  زوروں   کو  خُدا نے چن  لیا۔  تا کہ  زور آوروں   کو شرمندہ  کرے۔  دنیا   کے  کمینوں  اور حقیروں   کو ۔ اور ان کو جو شمار  میں نہیں آتے  ۔ خُدا نے چن لیا۔   تا کہ انہیں   جو شمار  میں  ہیں  ناچیز  کر  ڈالے ۔ کہ کوئی بشر   اس کے آگے  گھمنڈ(غرور)   نہ کر سکے ۔ لیکن   اس سے  یہ نہ سمجھنا   چاہیے۔   کہ مسیحیت    دنیوی    اہل دولت    و مرتبت(مرتبہ)  کو محتاج   نجات    نہیں  سمجھتی   یا کہ انہیں  حقیر     اور آسمانی  بادشاہت   میں داخل   ہونے کے ناقابل   سمجھ   کر  لائق تو جہ   نہیں جانتی  ۔ بلکہ اس  کا دروازہ   علی  العموم(عام طور پر)   امرا  و غربا  کے لئے کھلا  ہوا ہے۔  اور ایک  کانسٹنٹین   اعظم  ۔ اور بھکاری  لعزر   دونوں کے لئے یکساں  ’’ ولکم  ‘‘ ( خوش  آمدی ) کہنے  ۔ اور قبول   کرنے کے لئے   تیار  ہے۔ پھرہم  نہیں جانتے ۔ کہ ولایت   میں کیوں  اس بات پر افسوس  کیا گیا ہے کہ ہندوستان   میں متمول (دولت مند)  اقوام میں سے مسیحی   نہیں ہو تے ۔  چنانچہ   اخبار  عام لکھتا  ہے کہ۔

ولایت  میں اس  بات پر  افسوس  ظاہر  ہو ا ہے۔ کہ ہندوستان میں باوجود   عظیم  کوشش  اور صرف  کے لوگ  کثرت  سے عیسائی   نہیں  ہوتے ۔  اب تک    عیسائی   کر نے کی کوشش  نيچ  ذاتوں  پر محدود   کی گئی ہے۔  اب یہ   تجویز  پیش  کی گئی ہے۔ کہ ہندوستان  کی متمول(دولت مند)  اقوام  میں عیسائیت   کا شوق   پھیلایا   جائے۔  اور اگر   اُمرا   اس  مہذب   مذہب   کو قبول   کریں گے تو ان کی دیکھا   دیکھی  بہت لوگ  عیسائی  ہو ں گے۔  اور مطلب   بہتر طریق  پر  حاصل  ہو گا۔

پھر اگر اہل  ِ ولایت   کا یہ خیال  ہے۔ کہ  اب تک  عیسائی   کرنے کی کوشش   صرف نيچ   ذاتوں  پر محدود   کی گئی ہے۔تو یہ ایک   غلط   فہمی  ہے۔  کیونکہ  مسیحی   مشنری   اعلیٰ   و ادنیٰ   ہر ایک ذات   کی نجات   کے لئےیکساں  فکر مند  ہیں۔   اور علی   العموم   (عام طور پر)سبھوں   کے  لئے کوشش  کرتے ہیں۔  کہ  وہ مسیح   پر ایمان  لا کر ہلاکت   سے بچ جائیں  اور حیاتِ  ابدی  حاصل  کریں۔   ہاں یہ  سچ   ہے۔ کہ  اعلیٰ  ذات والے  اور متمول(دولت مند) لوگ   ذات  تمول (دولت)کے گھمنڈ(غرور)  میں انجیلی    بشارت   کو خیال   میں    نہيں لاتے ۔  اور اپنی  عاقبت   (آخرت) اور روحوں کی نجات  سے   بے فکر رہتے ہیں۔ مگر غریب  اور نيچ   ذات  ان باتوں   پر زیادہ   خیال کرتے  اور انجیلی   خوشخبری  کو قبول   کر لیتے   ہیں۔ا   ور وہ وقت   آتا ہے۔ کہ اعلیٰ   ادنیٰ  اور  ادنی  ٰ اعلیٰ   ہو جائیں گے۔  ہم با لیقین  کہتے ہیں ۔ کہ  مسیحی  دین امر  ا کی دیکھا   ديکھی ہند میں نہ  پھیلے گا ۔  بلکہ   اپنی زندہ   الہٰی   طاقت سے    اس  ملک   کے اُمرا  غربا  کے دلوں  کو تسخیر   (تابع)کرے گا۔  اور  ہمارا  ہندوستان  ایک مسیحی  ایک   ملک   ہو جائے گا۔