اسلامی تعلیمات

  ( نکاح  موقت )   “یہ نکاح جس کو متعہ بھی کہتے ہیں  بعض محمدیوں میں ایک  خاص  وقت   مقررہ تک کی  شرط  پر کچھ  دام  دے کر  کیا جاتا ہے مگر بعد پوری  ہونے  میعاد(مدت، عرصہ)    کے مرد و عورت  دونوں  آزاد  ہو جاتے ہیں۔  اب اہل ستنی  اس کو نہیں مانتے  مگر شیعہ  ابتک  ا س کو جائز سمجھتےہیں”۔

ہندوؤں  میں بھی “خواہش  کرنےوالی  ہم قوم  کنیا (لڑکی)  کو کچھ  (اجرت ) دے کر  اس سے صحبت  کرنےوالا سزا   کے لائق   نہیں ٹھہرتا”۔

  شاستر منواد ہیا ء   ۸۔ اشلوک  ۳۶۶۔

ہر کوئی  جان سکتا ہےجب کہ مذہب   کی تعلیم   میں کوئی بھی   ایسی بات روا  ٹھہرائی گئی  ہو۔   جس پر   انسان  کی طبیعت   کا میلان(توجہ، رجحان، خواہش)    ہے تو  اس  کا کسی دوسری   حالت  یا شکل   میں بھی تبدیل  کر لینا یا حد  سے زیادہ  بڑھ جانا  کوئی غیر  ممکن    امر (کام)نہیں ہو سکتا  ہے۔پس  جب کہ  ہر دو  مذاہب  یعنی    محمدی  و ہندوؤں   میں ایک  سے زیادہ   ازدواج    روا   ٹھہرایا   گیا  جو  طبیعت   انسانی  اور خواہش  کے موافق  ہے۔ تو ہر  دو  مذکورہ   بالا(اوپر ذکر کی گئی)  مشکلوں  کو بھی   روا  سمجھ    لینا  کیا کوئی ناممکن  امر (کام) تھا؟  مگر اب ہر کوئی  اپنی تمیز  سے   سوچے اور غور کرے کہ ان شکلوں  اور رنڈی  بازی(تماش بین، عیاش)  میں کیا فرق ہے؟  جس کے لئے  کلام  خدا انجیل   مقدس نامہ   اوّل  کرنتھیوں  ۶: ۹، ۱۰:     میں صاف  صاف فتویٰ   ظاہر  کیا گیا  ہے۔

”  فریب نہ کھاؤ   کیونکہ حرام  کار اور بت   پرست   اور زنا  کرنے والے  اور عیاش  اور لونڈے  باز اور لالچی   اور شرابی  اور گالی بکنے  والے  لوٹیرے   خدا کی بادشاہیت  کے وارث نہ ہو ں گے”۔

   ( تعلیم  جھوٹ   کا نتیجہ )  جھوٹ  بھی طبیعت  انسانی اور  خواہش   کے موافق  ہے۔ پس  جب  کہ اس کو بھی  کس قدر  یا کسی حالت  میں دیدہ  دانستہ  (جاا ہوا، پہچانا ہوا، جان بوجھ کر) مذہبی  تعلیم میں روا (جائز)سمجھا گیا ہو   تو اس  کا بھی  حد سے  زیادہ رواج  پانا  کوئی  مشکل  امر (کام) نہیں ہو  سکتا ۔  چنانچہ  اس ملک   ہند میں ہر  دو مذاہب   کے ایسے ایسے  خیالوں کی آمیزش (ملاوٹ، ملونی)  سے  جن کا  ذکر  نمبر  ۱۰  میں ہو چکا  جو نتیجہ  روزینہ  برتاؤ  (روزانہ کے سلوک)سے ظاہر  ہو تا  کوئی  پوشیدہ  امر (چھپاہوا کام) نہیں  ہے۔ جس  کے لئے بقول  ایک محمدی   شاعر  مصرعہ     “دورغِ مصلحت   آمیز  بہ  از راستی  فتنہ انگیز”      گویا   عوام  الناس    میں ایک  مثل  ٹھہر  گئی ہیں۔  بھلا وہ  راستی  جو  مرضی  الہٰی   کے موافق  ہے کہ  کہ جس  کےلئے  یہ بھی  اسی شاعر   نے کہا   ہے۔  مصرعہ ”  راستی  موجب   رضائے  خدا ست”     تو کیا ممکن  ہے کہ منصف   مزاجوں  کے خیالوں میں اس سے کوئی فتنہ(فساد)  ظاہر  ہو ؟   ہرگز نہیں ۔ پس ایسے  ایسے خیالوں سے بعض   کے دلوں   میں جھوٹ   نے یہاں تک سرایت کی کہ انہوں نے یہی سمجھ لیا کہ بغیر کچھ جھوٹھ بلائے   دنیا کی کوئی  بات  یا کام  پورا ہو   ہی نہیں  سکتا۔ او ر   اس  سبب ایسوں   کے خیالوں  میں ہرایک   کی طرف جھوٹ   ہی   جھوٹ   کا خیال جم گیا۔ جس کا برتاؤ  خاص  کر مسیحیوں  کی وعظ(مذہبی نصیحت جو زبانی کی جائے، مذہبی تقریر)   گفتگو   اور بحث   کے وقت   اکثر   ظاہر   ہوتا ہے۔   کہ ہر  دو مذاہب کے بعض   جہلا(جاہل کی جمع)  ان کی  ہرایک بات کو۔ جس  کو انہوں نے بفرمان کلام  الہٰی   نہایت   غور و فکر  سے  آزما   کر   ( تسلیکنیوں  ۵:  ۲۱)  ثابت  کر لیا ۔ اور  اکثر   کر ابھی دیا ہے۔  بلا تحقیق    و غور  کئے فوراً  ”  جھوٹ ”  کہہ  دینا    گویا  داخل  ثواب  سمجھتے  ہیں۔ کیونکہ  وہ خدا  کے کلام   کی اسبات  سے ناواقف   ہیں ۔ کہ   “کیا تم  نہیں  جانتے  کہ ناراست  خدا کی  بادشاہت  کے وارث  نہ  ہو گے”۔    ۱ کرنتھیوں  ۶: ۹

ر فاتحہ دلواکرحضرت کی روح کو ثواب پہنچانےکا خیال کرتے ہیں۔

 (ا  رواح  کو ثواب)  محمدی  اپنے ہر متوفی (وفات پانا، مرا ہوا، جہان سے گذرا ہوا)کےتیسرے  و چالیسویں  روز کچھ کھانے   پر فاتحہ  دلوا کر  اس کی روح کو ثواب  پہنچانے  کا  خیال   کرتے ہیں۔ بلکہ   سال  کےاندر  کئی تہوار بھی  بعض  بزرگوں  کی ارواح  کو بعض کھانوں پر فاتحہ دلوا  کر  ثوا ب  پہنچانے  کےخیال  سےمقر ر بھی کئےہیں۔  مثلاً  محرم  کی دسویں   تاریخ  حسن حسین  اور ان  کےہمراہیوں (ساتھیوں) کی ارواح کو ثواب   پہنچانے  کے لئے  کچھ  کھٹچری  پکا کر  اور  اس  پر  فاتحہ دلوا  کر محتاجوں  کو تقسیم  کرتے پھر ربیع  الاول  کی ۱۲ تاریخ  جو اکثروں کے خیال   کے موافق  حضر ت    محمد  صاحب  کی وفات  کا روز ہی   کچھ  کھانے پر فاتحہ دلوا  کر  حضرت کی روح کو ثواب   پہنچانے  کا خیال کرتے ہیں ۔ پھر چودھویں   شعبان وشب برات  کا تہوار مانتے  ہیں ۔ اور اس   روز اپنے  کل متوفی  (مرا ہوا) بزرگوں اوررشتہ  داروں کی ارواح کو ثواب  پہچانے  کے خیال  سے کچھ  کھانوں پر فاتحہ  دلوا  کر محتاجوں کو تقسیم   کرتےہیں۔  اور خود کھاتےہیں۔

ہندو  بھی اپنے ہر متوفی  (وفات پانا) کےلئےتیرہ  روز تک  اپنے مذہب  کے خیال  کے موافق   بہت کچھ  کر یا کرم  کرتے۔ اور آخر  تیرہویں  روز اپنی حیثیت   کے موافق  کپڑا۔ کھانا ۔ چارپائی  اور سامان   جو بہم پہنچے  اجارچ  برہمن کودیتے ہیں تاکہ ان  چیزوں کےذریعہ   ان کے متوفی(مرنے والا)   کی آتما   (روح) کے سفر  میں اس  کو آرام ملے۔ ہندوؤں  میں بھی سال کے اندر  کو  ارکے مہینے  میں ۱۶  دن خاص سراد ہوں  کے نام سے مقرر  کئے  گئے ہیں۔   تا کہ ان   دنوں میں اپنے کل متوفی(مرحوم)   بزرگوں  و رشتہ داروں  کی آتماؤں (پتروں  )کو   بعض  کھانے  [1]برہمنوں کو کھلانے  کے ذریعہ  حاصل ہو   ”  کیونکہ جب تک  نہایت گرم  کھانا   مون  (چپ چاپ )  ہو کے برہمن کھاتے ہیں  تب  تک وہ کھانا  پترو ں (بیٹوں)کو  پہنچتا ہے۔                 شاستر  منوا  دہیا  ء ۳ اشلوک  ۲۳۶ ، ۲۳۷۔

مگر کلام  خدا بائبل   مقدس  کے کسی مقام  سے ایسی  کوئی تعلیم  ظاہر  نہیں ہوتی۔ کہ  کسی  انسان کی روح  کو اس  کے مرنے بعد کوئی انسان  کسی طرح سے کچھ  فائدہ  یا ثواب  پہنچانے کا  خیال بھی   کر سکے۔ بلکہ  صرف یہی  ظاہر ہوتا  ہے۔ کہ جو  کچھ انسان  نے اپنے جیتے   جی اس دنیا   میں کر لیا  سو بس  ہے  اسی کی سزا  یا  جزا (بدلہ)  عاقبت(آخر، انجام، خاتمہ)  میں اس  کو ملے گی ۔ علاوہ   بریں عقل  بھی  گو ارا  نہیں کر سکتی  ہے کہ روح جو مثل  ہوا کے ہے اس  کو کوئی جسمانی  کھانے  کپڑے  یا اور  کسی چیز  سے  کچھ  بھی فائدہ  حاصل  ہو سکے۔ جو نہ  ان چیزوں کی ضرورت  رکھتی اور نہ ان کو اپنے استعمال   میں لا سکتی  ہے۔

پس  یہ سب خیالی   باتیں   ہیں جو کلا  م خد اکی  عد   م  واقفیت   سے ایجاد  ہوئیں۔  اور صرف  انسانی  خیالات  پر مبنی  ہیں۔

[1]۔سرادہوں کےمقرری کھانوں کی پوری   تفصیل  جن سے پترایک  ماہ  سے ۱۲ برس  بلکہ بے   انتہا   بر س  تک  آمد وہ رہ سکتےہیں۔   دہرم شاستر منو کی تیسرے اوہیا کے شلوک  ۲۶۷ اور  ۲۷۱  کے بعض  کھانے یعنی۔ دہان ۔ اُرد ۔ جل۔مول ۔  پھل  وغیرہ  اور گز  کا دودہ یا  اس کی کہیر  کو جس سے پتر  صرف ایک   سال  تک آسودہ رہ سکتے ہیں۔ زیادہ  پسند  کیا ہے۔