میں تم سے سچ کہتاہوں

I Tell You the Truth

By

Rev.J.Newton

پادری جے نیوٹن

Published in Nur-i-Afshan October 03, 1889

نور افشاں مطبوعہ ۳۔ اکتوبر ۱۸۸۹ء

میں  تم سے سچ  کہتا ہو ں کہ جب تک  یہ  سب کچھ   ہو نہ لے   اس زمانے  کے لو گ  گذر نہ  جائیں  گے ۔(متی  ۲۴: ۳۴)

جب  کہ خدا وند  یسوع مسیح  کے  شاگر  دو ں نے  خلوت  میں  اُس  سے  پو چھا کہ یروشلیم  کی ہیکل  کب  برباد ہو گی  اور اُس  کے   (خداوند یسوع  مسیح  کے  )   آنے اور زمانے  کے  آخر  ہو نے  کا  نشان  کیا ہے تب  خداوند   نے اُس  واقعہ کی خبر   دی  کی جو    یہود کی  تواریخ میں  سب سے  مشہور  واقعات  میں  سے  ایک ہے  جس میں  کہ اُس کے  اس  دنیا سے آسمان  پر  چلے  جائے  کے  وقت  سے  اُس  کے  پھر  زمین   پر  آنے  کے  اور اپنی   بادشاہت  قائم  کرنے  کے  وقت  کا  حال  بے  کم وکاست  منکشف (تھوڑے سے تھوڑا ظاہر ہونا) ہو تا  ہے   ۔ ان  واقعات   کا  بہت   مختصر بیان  ہوا    ہے  اور  اُن  میں    سے  بعض  کا  تو  صرف  اشار ہ ہی پایا جاتا ہے  ۔ مثلاً یروشلیم  کا  محاصرہ  ہو  نا  اور  دوبارہ  برباد ہو نا  ۔

جب تک یہ سب کچھ ہو نہ لے اس زمانے کے لوگ گذر نہ جائیں گے

(اول)

 طیطس   سے  جیسا کہ  تواریخ  کے مطالع  سے  معلوم  ہوتا  ہے   کہ یسوع  مسیح  کے  آسمان   پر چلے جانے کے   (۴۰ بر س )  بعد  وقوع  میں  آیا ۔

 (دوم )

 جو دجال  سے  ہوگا  ۔ جس  کا زمانہ خداوند  یسوع  مسیح  کی دوسری  آمد سے   کچھ  پہلے  ہو گا ۔ جیسا کہ ذکریا  نبی  کی کتاب  کے  پڑھنے  سے واضح  ہوتا  ہے۔  دیکھو  (زکریاہ  ۱۴:  ۱۔ ۴)  تک   اور  تاہم  ان  دونوں  واقعات  کا  ایک   ہی  ساتھ   ذکر آیا   ہے   اور اُن  دونوں  میں موافقت  بھی پائی  جاتی   ہے  ۔ اور  دنوں  واقعات  اگرچہ  ایک کا  زمانہ  دوسرے  سے  بہت   دورکا  تھا ایسے  بیان  ہوئے  کہ دونوں کی عبارت  ہر  دوو  اقعات  پر صادق   ٹھہر سکتی  ہے۔  اور   یہ تمام  زمانہ   مصیبت  کا  زمانہ  کہلاتا  ہے  جس کاآخری حصہ  ایسا  سختی  والا  ہو گا  کہ جس کی  کوئی   نظیر (مثال)دی  جا نہیں  سکتی وہ  بربادی  کہ  جس  کا   ذکر  ہوا  تھا آدمیوں  کی  سزا  کے لئے  تجویز ہوئی تھی   خصوصاً قوم  یہود کو سزا   دینے  کے  واسطے  اُن کی  بدکاریوں  کے  سبب سے  جو  حد سے  بڑھتی  تھیں  ۔ لیکن  وہ  کہتا  ہے  اُن  دنوں  کی مصیبتوں  کے  بعد   فوراً ابن آدم  کا  نشان  آسمان  میں  ظاہر  ہو گا او تب  وہ خود آئے  گا  اور   (  ۳۴ آیت  ) میں لکھا  ہے  کہ’’ جب  تک  یہ سب  کچھ   ہو  نہ لے اس زمانے  کے  لوگ  گذر  نہ جائیں گے ‘‘۔ اب  بعض  جو پاک کلام   بائبل  کی  عبارت   ومحاور ہ کو  سمجھتے کہتے  ہیں کہ  یسوع  مسیح  کی یہ  باتیں   کہ جب  تک  سب کچھ  نہ ہو لے  اس   زمانے   کے  لوگ  گذر نہ  جائیں   گے  سچ   نہیں   نکلیں  کیونکہ  واقعات  میں  اختلاف  پایا گیا ۔ اور   یہ  دعویٰ  کرتے ہیں کہ گو( ۱۸۰۰ برس )  گذرے  کہ   وہ لوگ  جواُس   زمانے  زندہ  تھے  ۔گذر گئے   پر  مسیح  کی بعض  پیشن  گویاں آج  تک   پوری   نہیں   ہوئیں ۔ ایسے  معترضوں  کو  سمجھنا    چاہئے  کہ یہ  نہیں   الفاظ  زمانہ  کے  لوگ صرف   ایک   ہی یونانی  لفظ  γενιά ( گنیا) کا  ترجمہ  ہے   جس  کے  معنی  انگریز ی  (  GENERATION )  ( جنر یشن  ) یعنی  پشت  کے  ہیں  لیکن  اگر  بائبل کو   غور  سے پڑھا   جائے     تو  صاف  معلوم  ہو گا  کہ یہ  لفظ   صرف   اُسی  زمانہ  کے  لوگوں  سے  جو  اُس  وقت  موجود  ہوں مراد  نہیں بلکہ اکثر  اُ  ن سے  مراد ہوتا ہے  جوکہ ایک  سامزاج  یا ایک   سی  خصلت  رکھتے   ہوں  خواہ   وہ ایک   ہی  زمانہ  کے لوگ  ہو ں یا   نہ  ہو ں چنانچہ  ( زبور ۲۴: ۶)  میں   مرقوم  ہے کہ  یہ  وہ  گروہ  (جنریشن )  ہے جو  اُس   کی  طالب   ہے ۔ یعنی   وہ خدا کی  طالب    ہے   اور  پھر   لکھا  ہے   کہ اُس کی  نسل  (جنریشن  )  زمین    پر  زور آور  ہو گی  ۔ (زبور  ۱۱۴: ۴)  پھر  دیکھو  عیسائیوں کی  بابت  کہا گیا ہے  کہ تم    چنا  ہو ا  خاندان   (جنریشن  )   ہو  ( ۱۔پطرس  ۲: ۹)   اور پھر  ( زبور  ۷۳: ۱۵) میں   کہا ہے  اگر  میں   کہتا  کہ یوں  بیان  کروں  گا تو  دیکھ  کہ میں   تیری  اولاد   کی   گروہ  ( جنریشن  ) سے  بیوفائی   کرتا ہے  اور پھر   دیکھو  ( امثال  ۳۰ : ۱۱۔ ۱۴ ) میں   یہ لفظ  مختلف   قسم  کا  گنہگاروں  کے بیان  میں  چار  دفعہ  استعمال  کیا گیا ہے  ایک   پشت  ( جنریشن )  ایسی  ہے  جو   اپنے   باپ  پر  لعنت   کرتی   ہے   اور اپنی   ماں کو   مبارک  نہیں  کہتی  ۔ ایک پشت  (جنریشن  ) ایسی  ہے   جو  اپنی   نگاہ  میں  پاک  ہے  لیکن اس  کی  گندگی   اُس  سے   دھوئی   نہیں   گئی   ۔ ایک    پشت  (جنریشن )  ایسی  ہے  کہ  واہ واہ کیا ہی بلند نظر ہے اور ان کی پلکیں اوپرکورہتی ہیں ۔ایک پشت (جنریشن )ایسی ہے کہ  جس  کے  دانت  تلوار  یں  ہیں   اور   داڑ ھیں  چھُریاں  تاکہ  زمین  کے  مسکینوں  کو کاٹ  کھائے   اور گنہگالوں  کو خلق میں   سے  فنا کردے  ۔ پھر  یرمیاہ  نبی کہتا ہے  کہ  خدا وند نے  اُس  نسل  (جنریشن ) کو   جس  پر  اُس کا  قہر  بھڑکا   تھا مردود کیا اور  تر ک  کردیا  ہے (یرمیاہ  ۷: ۲۹) یعنی  اُ ن  لو گوں کو جو بسبب  بُت  پرستی   کے  اُس  کے  قہر  کےلائق ٹھہرے  تھے   موسیٰ بھی  اسرائیل  کو  کجرواور  گردن  کش قوم  ( جنریشن  )  کہتا  ہے  ( استثنا  ۳۲:  ۵)  ۔ یہ  اُن لوگوں  کی نسبت  کہا   گیا تھا   جو آخری   زمانے  میں   ہو ں  گے  جن کی  بابت  اُس  نے  کہا   کہ  وہ  خدا کی  نظر  میں  بدی  کر یں   گے  ۔ اس آیت  کا (استثنا ۳۱: ۲۹)  مقابلہ   کرو۔  یوحنا   بپتسمہ  دینے  والے   نے   فریسیوں  اور صدوقیوں  کو  سانپوں  کے  بچے (جنریشن )  کہا‘‘  جہاں  کہ یہی  لفظ استعمال  کیا  گیا  ہے  ( متی   ۳: ۷)  اور  پھر  خداوند  یسوع  مسیح   نے  قوم یہود کی  سخت  بے دینی  کی بابت  مثال  دی  جو  ( متی  ۱۲:  ۴۳۔ ۴۵)  آیتوں  تک  مندرج  ہے  وہ  مثال  ایک   بد  روح  کی بابت  تھی  جو  ایک   آدمی  پر  سے  اُترئی   ہے  لیکن  پھر  دوبار ہ  اُس  کے  دل میں   جاتی   ہے  نہ  صرف  اکیلی  بلکہ   سات  اور  روحیں   جو  ازحد  بُری  ہوں  ساتھ  لے جاتی   ہے  اور کہا کہ اس   زمانہ  کے  لوگوں  ( جنریشن  ) کا  حال  بھی ایسا  ہی ہوگا    یہ تمام   قوم  پر  عاید  ہو تا  ہے  جو  بُت پر ستی  کی عادت کو  چھو ڑ کر  بائبل   کی اسیری کے وقت  یسوع  مسیح   سے  ( ۵۰۰ بر س )  پیشتر   فوراً  ہر  قسم  کی شرارت   میں  پھر  مبتلا ہوگئی   ۔ یہ شرارت   کرنے   والی   نسل   تھی    اور  بدتر   ہوتی  گئی  جب  تک  کہ اُس کی  بابت  یہ  کہا  گیا   جیسا کہ پولوس رسول  نے  کہا   کہ جنہوں نے  خداوند  یسوع  اور   اپنے   نبیوں  کو مار  ڈالا   اور   ہمیں   سنایا  اور   وہ  خداکو خوش   نہیں   کرتے   اور   سارے   آدمیوں   کے مخالف   ہیں   ۔ اور اس لئے  کہ اُس  کے  گناہ  ہمیشہ  کمال  کو  پہنچے  ہیں   و ہ  ہم کو  منع  کرتے   ہیں   کہ ہم غیر قوموں کو وہ کلام نہ سنادیں جس سے ان کی نجات ہو ۔کیونکہ ان پر  غضب  انتہا  کو   پہنچا ۔ ( ۱۔تھسلنکیوں  ۲:  ۱۵۔ ۱۶)  یہ  شریر   نسل  ہے   جس کی   بابت  یسوع مسیح  نے  لکھا  ہے کہ  وہ  شرارت  کے   فرزند (جنریشن  )  ہیں  مندرجہ   بالا بائبل  کی آئتیں  جو  پیش  کی گئی   ہیں   اس بات   کے  ثابت  کرنے  کے  لئے  کہ لفظ generation  کسی  خاص زمانے  کے لوگوں  ہی  پر  نہیں  لگایا جاتا بلکہ  ایک    ویسی  ہی خصلت  کے  لوگوں  پر   جو   کسی  دوسرے  زمانے  میں  ہوں  عائد ہوتا  ہے  ۔ او ر  حقیقت  میں   (متی   ۲۴: ۳۴)  کایہی  مطلب  ہے  ۔خداوند   مسیح  نے   قو م یہود  کا  ذکر کیا  تھا   کہ بسبب اُ ن کی   بے دینی  کے  اُن  پر  خوفناک  مصیبتیں  آپڑیں  گی  اور  کہا  گیاکہ   اگر  خدا اُس   وقت   کو نہ  گھٹاتا تو  ایک   تن  نجات   نہ پاتا لیکن  اُن  میں   سے   اُن  لوگوں  کی خاطر  جو چُنے  ہوئے   تھے   وہ  وقت   کو گھٹا ئے گا اور  بعض  اُن  میں  سے  زندہ  بچ رہیں گے   جب  تک کہ  مصیبت  کا   زمانہ گذر  نہ  جائے   اور  ابن آدم  آسمان   سے   نہ آئے  تاکہ  زمین  پر  راستبازی  کی سلطنت  قائم   کرے  ان  ہی  معنوں  میں  اُس  نے   کہا  کہ جب  تک  یہ سب  کچھ  نہ ہو لے یہ  پشت  ( جنریشن )  گذر نہ جائے  گی   ۔ پس   جب کہ  مسیح دوسری  دفعہ  آئے   گا  تب     و ہ اُس   کی بادشاہت  کے قابل  ہو ں  گے ۔ اور اُس  وقت وہ  شرارت  اور گردن  کشی  سے  پچھتا ئیں    گے  اور  واو  یلا کریں   گے   ۔ اور   خصوصاًوہ  اُس  بات  سے  پچھتائیں  گے  کہ کیوں  اُنہوں  نے  اُسے ردکیا  اور   مصلوب  کیا   تھا اور  جب  وہ  اُسے  دیکھیں   گے  وہ  چلائیں   گے  اور کہے گے  کہ  مبارک  وہ جو  خداوند   کے  نام  پر آتا  ہے ( متی ۲۳:  ۳۹)  اُس  وقت  سے  وہ   کبھی   پھر   شریرپشت   نہیں   کہلائیں   گے  ۔ اس  سبب سے  معترض  کا  یہ  کہنا    کہ اُس   واقعہ  میں   اختلاف  رہا اور  یہ کہ  یہ بات  مسیح    نہ ٹھہری  ٹھیک  نہیں ۔یہودی  ایک   ایسی  قوم   ہے   جو   خداوند   یسوع  مسیح  پر   ایمان نہیں  لائی   اور  اگر چہ   وہ  خوفناک  مصیبت   جو   ہو  گی   اُن کے  شمار کو  بہت  گھٹا دے  گی   تاہم  تمام  برباد نہ ہو گی  اور  گذر جائے گی  جب تک   کہ ابن آدم  نہ آئے  اور تمام  دوسری  باتیں جو  بطور  پیشن  گوئی   کے  کہی گئیں   تھیں   پوری    نہ ہوں  ۔