 |
The God and Nature
By
Rev.Talib-u-Din
پادری طالب الدین
Published in Nur-i-Afshan Dec 19, 1889
نور افشاں مطبوعہ۱۲۔ دسمبر۱۸۸۱ء
مجھے اپنی حیات کی قسم میں کبھی کسی گنہگار کی موت سے خوش نہیں ‘‘ آو ٔ‘‘ اور جو پیاسا ہے آئے اور جو چاہتا ہے سو آب حیات مفت لے ‘‘یہ اُس خدا کا کلام ہے جو محبت ہے ۔ لاو ٔتو کو ن سا محبت پیما خیال لاتے ہو جو اس لا محدود محبت کو ناپ سکے اور اس مہر والفت کی آوا ز کو حیط حدود (حدود مقرر کرنا)سے محددو کر سکے ۔
گنہگار راندہ درگا ہ (خدا کے حضور سے نکالے ہوئے)نیچر کے میگزین میں سپر پناہ (بچنے کی ڈھال)کو غور کی آنکھو ں سے ڈھونڈتا رہتا ہے تاکہ تیر غضب سے بچ جائے لیکن یہی دیکھتا ہے کہ نیچر کے قواعد کو توڑ نا بلائے ناگہانی شامت آسمانی کو سر پر لانا ہے ۔ آگ میں ہاتھ ڈالو بے جلے نہ رہے گا ۔ ندی نالے کو دو ڈوبنے سے نہ بچوگے ۔ آدمی ہر چند نیچے لئے غور کرتا ہے فکر دوڑانا ہے لیکن چارو ں طرف سے نیچر کی یہی ندا(آواز)کان میں آتی ہے ۔ ’’جیسا کرےوسیا بھرے ‘‘۔ پس اگر کرنے پر بھرنا ہے تو یاد رکھے کہ ہمارا کلام اور ہماری چال ہم کو دوزخ کے فتوے کے لائق ٹھہراتے ہیں ’’تمام سر بیمارہے اور دل بالکل سست ہے تلوے سےچاندی تک اُس میں کہیں صحت نہیں بلکہ زخم اور چوٹ اور سڑے ہوئے گھاؤہیں ‘‘۔ کوئی بھی نیکو کار نہیں ایک بھی نہیں ‘‘۔ ایک اورینٹل (مشرقی) شاعر کا قول ہے ۔ ما کیا نیم از خودی در حضرت وم برزنیم ۔ اے کم از کم رو بر دیت ایں ہمہ سبیارما۔ اب ایسی یاس اور نامیدی کی حالت میں جب کہ گنہگار کی کوئی صورت سو جھ نہیں پڑتی مومیاصفت الہام اس خستہ جگر شکستہ دل کو یوں تسلی دیتا ہے ۔ ’’میرے بیٹے مجھ کو اپنا دل دے ۔ ’’اگرچہ تمہارے گناہ قرمزی ہوں وہ بر ف کی مانند سفید ہو جائیں گے ہرچند وہ ارغوانی ہوں تو بھی اون کی مانند اُجلے ہوں گئے‘‘کیونکہ جب تو ’’گنہگار ٹھہرا تو مسیح عین وقت پر تیرے لئے موا ‘‘۔
نیچر کے مرید غور کرکے اور ریافت کرو گے کہ نیچر غنچہ دل(دل کی کلی ) کو سموم یاس (ناامیدی کی ہوا)سے جلاتی رہی پر الہام کی نسیم اُمید (اُمید کی ہوا)کشت دل (کھیتی)کوکھل کھلاتی ہے۔ نیچر کی زوال پذیر صورت اور ا ُس کے فانی رنگ ڈھنگ دیکھ کر موت کا سماں نظر آتا ہے ۔ لیکن الٰہام بقااور زندگی کی تصویر کھنچ کر دیکھتا ہے۔
 |
ایک اور خیال آتا ہے اور اُس سے بھی یہی سمجھ میں آتا ہےکہ صرف الٰہام ہی اُستاد ہے ۔ جو مکتب دنیا کے مجہول (نامعلوم)اور غبی (کم عقل)طالب علموں کو خدا ئے رحیم کی کامل محبت کی تعلیم دے سکتا ہے کیونکہ اگر بالفرض یہ مان لیا جائے کہ صرف نیچر سے خدا کی محبت کا سارا پتا لگ سکتا ہے ۔ تو بھی اس اصول کی تایئد کرنے والوں کو اتناتو ضرور قبول کرنا پڑئے گا کہ اُس کی محبت کا پتا لگانا ایک جنس بے بہا (قیمتی چیز)کو نیچر کےہاتھ سے مول لینا ہے اور اس سو دے میں کامیاب ہونے کے لئے بہت سا سرمایہ درکار ہے مثلاًعقل علم وقت وغیرہ ۔ پس اگر یہ چراغ روشن ہیں تو ہو سکتا ہے کہ شاید ڈھونڈتے ڈھونڈتے ٹٹولتے ٹٹولتے منزل مقصودتک پہنچ جائیں اورمراد پائیں لیکن اگر ان کی جوت مدھم (روشنی کا کم ہونا)ہو تو بے شک ہم کو کسی اور دستگیر کی اشد ضرورت ہےاب ذرا انصاف سے دیکھو تو سہی دنیا میں کس قدر ایسے لوگ پائے جاتے ہیں۔ جو وقت عقل اور علم وغیرہ دولت سے بہرہ ور ہیں ۔
تجربہ کی آنکھو ں کو ایسا نظر آتا ہے کہ جاہل زیادہ عالم کم احمق زیادہ عاقل کم ۔ مشغول زیادہ مغرول کم ۔ اگر نہ مانو توپہلے وقت کو ہی لو اور اُسی پر غور کرکے دیکھو ۔ ہم مثال کے لئے زمیندار پر غور کریں گے ۔ کہ وہ کس طرح علی البصاح اُٹھتاہےاور اپنے کھیت کو جاتا ہے تمام دن محنت میں مصروف رہتا ہے۔ رات کو لوٹ کر آتا ہے ۔ کھانا کھاتا ہے ۔ خانگی کا روبار کرتا ہے جو رو بچوں سے ملتا ہے پھر دن بھر کی تکان کا مارا رات کو بے خواب کی نیند سوتا ہے اس میں اگرخواب بھی آئے توکھیت یا ہل ہی دیکھتاہے ۔ صبح پھر اُس کو اُٹھ کر معمول کےمطابق اپنے کام پر چلا جاتا ہے اور دن بھر کل کی طرح کام میں مشغول رہتا ہے۔ اب یہ شخص گواپنے کام میں ہزار چالاک اور ہوشیار ہو اُس کی ہشیاری اور چلاکی بسب قلت وقت(وقت کی کمی)خدا کی محبت کے پہچانے میں اُس کی مدد نہیں کر سکتی ۔ اگر چہ آدمی روز مرہ وہی کام کرتا ہے جن سے با مداد الہام خداکی محبت کے متعلق اگر نکالنا چاہیں ۔ تو بہت سے نتائج نکال سکتے لیکن یہ شخص اگر الہام کو نہیں مانتا تو اُن بھیدوں کو ہر گز نہیں سمجھ سکتا وہ ہر فصل کا بیج بوتا ہے اور وقت پر اُمید وار جمع کرتا ہے۔ گیہوں کےساتھ ’’کڑوا دانا ‘‘ اُگتا دیکھتا ہےاور اُسے اُگنے دیتا ہے اورفصل کے آخر میں گیہوں کو الگ اور کڑوے دانے کو الگ کر دیتا ہے تو بھی یہ نتیجہ نہیں نکال سکتا کہ ایک دن آئے گا کہ جس طرح اب میں گیہوں اور کڑوے دانے کو جدا جدا کر کے گیہوں کو جمع کرتا ہوں اور کڑوے دانے کو پھینک دیتا ہوں اس طرح اُس دن میں بھی جدا کیا جائے گا اور پھر یاتو گیہوں کی طرح کھلیان میں جمع ہوں گا یا کڑوے دانے کی طرح گرا دیا جاؤں گا یا بھوسے کی طرح جلایا جائے گا ۔ اُس سے پوچھووہ یہی جواب دے گا کہ خدا اس کام کے وسیلے سے مجھ کو روٹی دیتا ہے تا کہ میں کھاؤں سیر ہوؤں اور مجھ کو طاقت آئے لیکن وہ یہ نہیں جانتا کہ یہ روٹی اُس مبارک روٹی کی طرف اشارہ کرتی ہے جو آسمانی باپ میری روح کےلئے مہیا کرتا ہے ۔ وہ یہ نہیں جانتا کہ یہ طاقت جو اس میں روٹی سے میسر آتی ہے وہ صرف کھیت بونے اور کاٹنے کے لئے نہیں بلکہ اس طاقت سے اُس کی محبت اورجلال کا اظہار لازمی ہے جس نے یہ طاقت عطا کی ۔ اس طرح سے عقل اور علم کا حال نظر آتا ہے ۔
 |
کیا خدا ئے قادر ایسے لوگوں کو جنہیں عقل علم اور وقت وغیرہ کی بر کتیں نصیب نہیں اپنی محبت کی شناخت سے محروم رکھے گا ۔ ہر گز نہیں۔ تو پھر کس طرح ؟ الہام سے شائد یہاں پر کوئی یہ اعترض کرے کہ خداجن کو یہ چیزیں عطا کیں ۔ وہ انہیں استعما ل کرکے اس نکتے کو دریافت کر سکتے ہیں اور یوں اپنے نکالے ہوئے نتیجوں کو تسلیم بند کر کے دیگر ابنائے جنس کو فائدہ پہنچاسکتے ہیں ۔ اس کا جواب اگر کوئی مجھ سے پوچھے تو میں یہ جواب دوں کہ اگر اکثر حصہ بنی آدم کو دوسرو ں کے خیالات کے نتیجوں پر ہی چلنا ہے یا چلناپڑتا ہے تو یہ اکثر حصہ بنی آدم اُن تعلیمات پر ہی کیوں نہ چلے جو یہ دعویٰ کرتی ہیں کہ ہم خاص خدائے تعالی کا کلام ہیں کیونکہ جو شک اور شبہ الہام پرعموماً ہو سکتا ہے کامل یقین ہے کہ اگر الہام کے چراغ کی روشنی میں نیچر کی شہادتوں پر غور کریں تب ہی خدا کی محبت صاف صاف نظر آتی ہے ۔ سچ مچ اے خدا ’’تیرا کلام میرے قدموں کے لئے چراغ ہے ‘‘ اور صر ف نیچر سے یہ مطلب نکالنا چاہیں تو ممکن ہے کہ نیچر ی اس کی صفات کوزیادہ سمجھنے کی جگہ اُس کی ہستی کا منکر ہو بیٹھے۔ غور کر کے دیکھو کہ جتنے بڑے بڑے دہریے اور ملحد گذرے ہیں اُن میں سے کوئی بھی ایسا تھا جن سے نیچر کو اپنا بُت نہ بنا یا ہو اور الہام کو ترک نہ کیا ہو ۔ پر الہام کا ما ننے والا صرف خداکی ہستی کا مقر (ماننے والا)ہو تا ہے ۔بلکہ دل سے جان سے اپنے سارے زور سے پیار کرتا ہے ۔ اُس کے لئے جان دینا اپنی خوشی اور آرام کا باعث تصور کرتا ہے ۔ وہ صرف خدا کو ہی محبت کرنا سیکھتا ہے بلکہ اپنے بھائی کو اپنے ہمسائے کو بھی پیار کرنا جان جاتا ہے ۔ وہ دشمنوں کو پیار کر نا اُن کے لئے دُعا مانگنا سیکھتا ہے ۔ اُس کو یہ تعلیم ملتی ہے ’’ تو اپنے ہمسائے کو ایسا پیار کر جیسا آپ کو ‘‘ اور’’ اگر تو اپنے بھائی سے جس کو تو نے دیکھا محبت نہیں رکھتا ہے تو خدا سے جس کو تو نے نہیں دیکھا کیونکر محبت رکھ سکتا ہے ۔ پس اگر تو کہے کہ میں محبت خدا سے رکھتا ہو ں ۔ اور اپنے بھائی سے دشمنی رکھے تو تو جھوٹا ہے ۔ سچے الہام کے ماننے والے خدا سے حقیقت میں محبت رکھتے ہیں ۔ اور اپنی محبت کا ثبوت ہمسایوں کو پیار کر کے دکھاتے ہیں ۔بت حبت غور تو کرو کہاں انگلستان ،جرمن اور امریکہ کی ٹھنڈی ٹھنڈی آب و ہوا۔ کہاں ہندوستان کی جی جان جلانے والی گرمی( ان ملکوں کے باشندوں کے لئے ) کہاں عزیز اقربا کی صحبت کہاں بیگانوں کی سنگت، کہاں مہذب سوسائٹی سے دوچار ہونا کہاں جاہلوں سے ملاپ پیدا کرنا کہاں وطن کے مزے۔ کہا غربت کی تکلیفات کہاں عزت و آرام سے رہنا۔ کہاں بے لگاموں کی گالیاں سہنا۔ ہاں یہ محبت کا ثبوت ہی چند دن گزرے کہ واہگہ گاؤں میں جانے کا اتفاق ہوا یہ ایک چھوٹا سا گاؤں ہے اور جو جو صفتیں دیہات کو نصیب ہوتی ہیں مثلاً جہالت، غلاظت اور شرارت وغیرہ ایسی صفتوں کی حصہ داری میں یہ گاؤں اگر گرد ونواح کے اور گاؤں پر فوقیت نہیں رکھتا تو برابر تو ضرور ہی ہوگا۔
یہاں ایک مس صاحبہ بنام مس سی تھیڈی تشریف رکھتی ہیں۔ بہت سن رسیدہ ہیں بہت لاغر اور اکثر بیمار رہتی ہیں۔ تو بھی اپنی محبت کو ان لوگوں سے محبت کر کرکے ثابت کر رہی ہیں جن کو ہندوستان کے پرانے مذاہب چھونے تک کی اجازت نہیں دیتے۔ دوپہر کو جب سورج سمت الراس (انتہائی بلندی)ہوتا ہے اور گرمی کا بازار گرم ہوتا ہے یہ مس صاحبہ محبت کے جوش سے معمور آرام کی ٹھنڈک سے بھرپور ہو کر قرب و جوار کے دیہات میں متاع نجات کا پیغام مفت دینے جاتی ہیں۔ لوٹ آنے کے وقت گاؤں کے مرد عورت جن کی حرکات و سکنات نشست و برخاست لباس و پوشاک کی اگر تصویر کھینچ کر دکھائیں تو شاید ہمارے عالی دماغ ناظرین ناک چڑھا بیٹھیں، عجیب عجیب سی بیماریاں لئے ہوتے ہیں اور نہایت بے ساختہ اور بے تکلفانہ لہجے میں چاروں طرف سے پکارتے ہیں”مس سانووی دے“، ”مینوں بھی دے“۔ اس پچھلے دے پر خوب زور دے دے کر یہ جملہ بولتے ہیں ۔ مس صاحبہ نے ان لوگوں سے اس قدر اعتماد پیدا کیا ہے نہیں گویا ایسا قریبی رشتہ پیدا کیا ہے کہ اگر کسی لڑکے کو کوئی اور لڑکا سکوت کے وقت کے پہلے یا بعد بھی مارتا ہے تو وہ شکایت لے کر اپنے والدین کے پاس نہیں جاتا بلکہ ان کے پاس آکر اپنی مشکل بیان کرتا ہے۔ ”ماما اینے مینوں ماریا“۔ راہ و رابطہ آمد و رفت ان لوگوں کی مس صاحبہ کے ہاں بعینہ ایسی ہے جیسے رشتہ داروں کی رشتے داروں کے ہاں ہوتی ہے۔
ہر کوئی جو سچے الہام پر ایمان لا چکا ہے اس کا یہی خاصہ ہے کہ وہ اپنے ابنائے جنس کو تکلیف اور دکھ اٹھا کر فائدہ پہنچاتا ہے۔ یہ تمام خوبیاں اور نیک اوصاف صرف الہام اور سچے الہام کو ہی ماننے سے نصیب ہوتی ہیں۔ پس اے عزیز و انجیل کو قبول کرو اور اس پر ایمان لا ؤ ۔