آسمانی باپ

The Heavenly Father

By

The Rev.Dr.M.H.Durrani

ڈاکٹر ایم ایچ دُرانی

Published in 1952

آسمانی باپ

صاحبِ رشتہ

 الہامی کتُب سے یہ معرفت حاصل ہوتی ہے کہ انسان مدنی بالطبع اورصاحب رشتہ مخلوق ہے ۔ اس کا رشتہ بادشاہ ۔ملک اورہم جنس سے ہوتاہے۔ اکثر لوگ اپنے رشتہ کو بخوبی پہچانتے ہیں کہ ان کا رشتہ دوسروں کے ساتھ ہمدردی یا مخالفت ،محبت یا نفرت کا ہے۔ جب یہ رشتہ ہمدردی ،مہربانی اورمحبت پرمبنی ہوتاہے توایک دوسرے کوبخوبی پہچانتے ہیں اورایک دوسرے پربھروسہ بھی کرتے ہیں اوراسی طرح برداری قائم ہوجاتی ہے۔ لیکن جب آپ میں کشیدگی پیدا ہوجاتی ہے تورشتہ نہ صرف ٹوٹ جاتاہے بلکہ ایک دوسرے کے دشمن بن جاتے ہیں۔

 جس طرح انسان ملکی ربط وضبط اورخاندانی میل ملاپ کے طورپرصاحبِ رشتہ مخلوق ہے۔ ایسے ہی دینی اعتبار سے آدمی خاص طورپر صاحبِ رشتہ مخلوق ہے۔ کیونکہ دینِ انسان اورخدا کے تعلق کی ایک خاص علامت ہے۔دین ہی وہ خاص رابطہ ہے۔ جوکہ انسانی روح کو خدا کے ساتھ مربوط رکھتاہے۔